Unom ka indibidwal ang nadakpan sa nagkadaiyang operasyon sa kapulisan sa Bukidnon niadtongmilabay’ng adlaw, lakip ang duha ka suspetsado sa ilegal nga droga sa Talakag.
Labing una, nadakpan si Armel Ordeniza Mahusay, 36 anyos, Top 9 Most Wanted sa provincial level, tungod sa kasong frustrated murder sa Kadingilan, nga adunay girekomendang piyansa nga P100,000.
Sa buy-bust operation sa Talakag, duha ka lalaki ang nadakpan ug narekober kanila ang tulo ka gramo sa gituohang shabu nga nagkantidad og P20,400.
Nadakpan usab sa Malaybalay si Dan Mark Anthony Eroa Garcia ug Ramel Dela Cruz Sorotani tungod sa mga kaso nga may kalabotan sa ilegal nga droga, samtang si Noraisa Lemon Zacaria gidakop sa Valencia City tungod sa theft ug si Dolie Balacuit Pacala sa Kibawe tungod sa paglapas sa Republic Act 9287.
Ang mga operasyon gipahigayon sa nagkadaiyang yunit sa Bukidnon Police Provincial Office ubos inabagan sa mga nagkadaiyang unit sa kapulisan.