Walay gitakdang piyansa ang giatubang karon sa usa ka lalaki human kini nasakote sa hiniusang operasyon sa kapolisan isip Top 3 Provincial Most Wanted Person tungod sa kasong statutory rape didto sa Purok Janiuay, Barangay Dagat Kidavao, Valencia City.
Giila sa Bukidnon Police Provincial Office (BPPO) ang nadakpan nga si Romel Maderse Helorentino, 28 anyos, minyo, ug lumad nga residente sa Barangay Central Poblacion, Kalilangan. Si Helorentino gisilbihan sa iyang warrant of arrest pasado alas-nuybe kwarenta’y singko (9:45) sa gabii niadtong Mayo 22, diin gawas sa statutory rape, duna pa kini giatubang nga duha ka ihap sa kasong rape by sexual assault nga adunay gitakdang piyansa nga P90,000.
Sa pagkakaron, temporaryo nang gipreserba sa kustodiya sa Valencia City Police Station ang suspetsado alang sa saktong dokumentasyon ug dinalian nga disposisyon sa korte.