Mokabat saP6,800 nga bili sa gidudahang shabu ang nasakmit sa kapolisan human malampusong nasikop ang usa ka bag-ong giilang drug personality atol sa gikasang drug buy-bust operation didto sa Purok 8, Barangay Imbatug, Baungon, Bukidnon.
Base sa opisyal nga report sa mga otoridad, nahitabo ang maong operasyon pasado alas-onse singkwenta’y singko (11:55) sa gabii niadtong Mayo 22. Giila ang suspetsado nga usa ka 30-anyos nga lalaki, diin narekober sa iyang posisyon ang duha ka sachet sa gidudahang shabu nga mitimbang og usa ka gramo, uban sa usa ka P500 bill nga gigamit isip buy-bust money.Sa pagkakaron, temporaryo nang gipreserba sa kustodiya sa Baungon Municipal Police Station ang suspetsado samtang gihikay na ang kasong paglapas sa Comprehensive Dangerous Drugs Act of 2002 batok kaniya.