KALILANGAN, BUKIDNON — Nasikop sa kapulisan ang giilang Top 1 Most Wanted Person sa lebel sa munisipyo nga si Senyl Bryan Quintila Balanay, 24-anyos, alyas “Tagalog”, sa usa ka joint police operation sa Purok-6, Central Poblacion, Kalilangan, Bukidnon niadtong Agosto 10, 2026.
Nasikop ang suspek pinaagi sa Warrant of Arrest nga gipagawas sa korte alang sa kasong paglapas sa Republic Act 9165 o Comprehensive Dangerous Drugs Act of 2002, diin walay girekomendang pyansa sa Section 5 (Sale of Dangerous Drugs) ug adunay ₱100,000 nga pyansa sa Section 11 (Possession of Dangerous Drugs).
Ang maong operasyon gihimo sa Kalilangan Municipal Police Station kauban ang 2nd Bukidnon PMFC, Provincial Intelligence Unit (Buk PPO), ug 1004th Maneuver Company sa RMFB 10. Sa kasamtangan, tanggong na ang suspek sa selda sa Kalilangan MPS alang sa dokumentasyon ug pormal nga proseso sa korte.