Opisyal nang gikasal ang pop superstar nga si Taylor Swift ug NFL American foot player nga si Travis Kelce niadtong Biyernes sa gabii, Hulyo 3, 2026, sa usa ka pribado apan maluho nga seremonya sa Madison Square Garden sa New York City.
Ang komedyante nga si Adam Sandler ang nag-opisyal sa kasal niini nga gitambungan sa kapin sa 1,000 ka celebrity guests. Ang magtiayon wala nagsunod sa tradisyon.
Hinuon, ang igsuon ni Taylor nga si Austin Swift mao ang nagsilbing Man of Honor, samtang ang igsuon ni Travis nga si Jason Kelce mao ang Best Man. Ang bag-ong kasal parehong nagsul-ob og custom Christian Dior Haute Couture nga gidisenyo ni Jonathan Anderson, gipares sa custom Christian Louboutin nga sapatos.
Lakip niini ang mga alahas sa Cartier para sa mag-aawit.
Bisan pa man sa engrandeng selebrasyon, nakadawat kini og mga pagsaway gikan sa pipila ka residente ug mga motorista tungod sa pagsira sa mga kadalanan sa palibot sa Madison Square Garden, nga nakaapekto sa trapiko sa Midtown Manhattan atol sa Fourth of July long weekend.
Human sa seremonya, misiga ang pink ug lavender ang mga higanteng screen sa Madison Square Garden ug ang Empire State Building aron sa pagsaulog sa bag-ong kasal.