Nakaplagan sa tropa sa 75th Infantry (Marauder) Battalion ang usa ka tagoanan sa mga giabandonang armas sa Barangay San Isidro, Marihatag, Surigao del Sur niadtong Marso 28, 2026.
Ang maong operasyon nga gipangunahan ni Lieutenant Colonel Earl C. Pardillo miresulta sa pagkakabig sa usa ka M16A1 rifle, usa ka M14 rifle, ug usa ka spare barrel alang sa M60 machine gun.
Sumala ni Colonel Glenn Joy U. Aynera, ang Brigade Commander sa 401st Infantry Brigade, ang maong kalamposan nahitabo pinaagi sa impormasyon nga gihatag sa usa ka kanhi rebelde ngadto sa mga otoridad.
Tungod niini, gisubli ni Major General Michele B. Anayron Jr. ang panawagan ngadto sa nabilin pang mga miyembro sa Communist Terrorist Groups (CTGs) nga mobalik na sa sabakan sa gobyerno.
Gipaniguro sa 4ID nga magpabilin silang lig-on sa misyon sa pagpanalipod sa komunidad ug pagmintinar sa kalinaw sa rehiyon sa Northern Mindanao ug Caraga pinaagi sa padayon nga mga operasyon.