Nadakpan na sa kapulisan ang 19-anyos nga lalaki nga gitudlong suspek sa pagpatay kang Neilbert “Betty” Donggo Benito, miyembro sa LGBTQ+ member community sa Malaybalay City .
Giila ang dinakpan nga si Reneboy Sandulog, 19 anyos, residente sa Sitio Panamsamon, Barangay Ninoy Aquino, Kalilangan, Bukidnon diin nasikop sa Sitio Sabang, Barangay Central Poblacion, sa maong lungsod sa tungang gabie.
Gikumpirma ni Konsehal Jason Chad Ayala ang pagka sikop sa maong suspek aron mahatagan na og hustisya ang biktima ug iyang pamilya.
Dugtong niini, gipasalamatan ni Konsehal Ayala si Mayor Warren Pabillaran, Malaybalay City Police Station Chief PLtCol. Jopeet Paglinawan, tungod sa walay hunong nga pagpangita sa suspek. Gidayeg usab ni Ayala ang informant sa programang “Bring me” diin maoy nakatudlo sa nahimutangan sa lalaki.
Nagpatuman og joint follow-up operation ug curfew enforcement ang Kalilangan Municipal Police Station (MPS) ug Malaybalay City Police Station (CPS) human makadawat og impormasyon sa gitagoan sa suspetsado.
Misulay ppa pagsukol ang maong naaresto pinaagi sa pagdunggab sa usa sa mga operatiba apan napakyas apan nakalaihay ang pulis.
Sa pagkutlo ning balita, naka kustidiya sa buhatan sa kapulisan ang maong dinakpan ug nag atubang na sa mga kaso nga gisang at batok kaniya.