Nanawagan si Senador Erwin Tulfo nga himgpit nang tapuson sa Senate Blue Ribbon Committee ang imbestigasyon sa giingong maanomalyang flood control projects sa huagayun nga makabalik na sa nasud ang kanhi kongresista ug pugante nga si Elizaldy Co.
Kini misunod human maaresto si Co sa Czech Republic samtang misulay og tabok sa border nga walay hustong dokumento.
Matud ni Tulfo, importante nga mahuman na ang imbestigasyon aron makapokus ang gobyerno sa ubang dagkong isyu nga giatubang sa nasud.
Dugang pa niini, nga bisan pa man sa krisis sa lana nga resulta sa tensyon sa Middle East, dili kinahanglan kalimtan ang pagpangayo og hustisya sa isyu sa flood control.
Sa pikas bahin, gilauman ni Lacson nga tugutan sa Sandiganbayaan si Co sa pag-atubang sa komite.
Kahinumduman nga niaging Domingo, gipahibalo ni Pangulong Ferdinand Marcos Jr. ang pagkaaresto ni Co, upat ka bulan human nakansela ang pasaporte niini ug halos usa ka tuig sukad mibiya kini sa nasud niadtong Hulyo 2025.
Giakusahan si Co og pagdawat og bilyones nga kickback gikan sa mga kontratista sa flood control ug sa Department of Public Works and Highways.
Aduna usab kini warrant of arrest gikan sa Sandiganbayan may kalabotan sa kasong graft ug malversation.