Gikontra ni Political Science Professor Dennis Coronacion ang pahayag ni Senador Robin Padilla nga plano sa pipila ka pro-Duterte senators nga pugngan ang pag-convene sa Senado isip impeachment court kon mapasaka na ang Articles of Impeachment batok kang Vice President Sara Duterte.
Matud ni Coronacion, supak sa Konstitusyon ang maong plano.
Gipatin-aw niini nga sa dihang madawat na sa Senado ang Articles of Impeachment, obligasyon niini ang pag-convene dayon isip impeachment court.
Sumala usab sa political analyst nga wala nay laing kapilian ang Senado kundi ang pagtuman sa maong mandato gumikan kabahin kini sa ilang non-legislative powers nga gitakda sa Konstitusyon.
Dugang pa niini, daghang mga Pilipino ang nagpaabot nga matuman kini ubos sa kasamtangang liderato sa Senado.
Bisan pa niini, nagtuo si Coronacion nga dili lamang mokontra ang minority sa pag-constitute sa Senado isip impeachment court, apan posible usab nga mobotar sila batok sa conviction ni VP Sara.
Gikontra usab ni Retired Supreme Court Senior Associate Justice Antonio Carpio ang maong pamahayag ni Senador Padilla ug gipasabot niini nga mandto sa balaud nga trial shall proceed maong dili ni basta basta madismiss pinaagi sa motion kung dili muagi og palitis.
Karong Lunes, Mayo 11, gilauman nga hisgutan na sa plenaryo sa Kamara ang consolidated impeachment complaint batok sa bise presidente human kini miuswag sa sunod-sunod nga hearing sa House Justice Committee.