Napamatud-an sa mga manimbahay sa Coaltown Baptist Church sa Purvis kung unsa ka gamhanan ang pag-ampo ug pagsalig sa Ginoo human nga wala sila ma-unsa taliwa nga naguba sa buhawi ang ilang simbahan niadtong Huwebes.
Nasayrang nakalitan ang tanan ug wala na maka-uli atol sa pagpanimba human nga kalit lang mitingog ang sirena nga nagpahibalo kanila sa nagkaduol nga buhawi.
Sumala ni Jimmy Breazele, duna’y ubang mga membro nga igo pa lang nahuman og kaon sulod sa simbahan dihang mitingog ang sirena rason nga nagtapok sila sa likod nga hallway, nag-ampo ug nagkanta og Amazing Grace samtang mikuso-kuso sa ilang simbahan ang bagyo.
Padayon gihapon sila sa pagkanta bisan og nabati nila nga nag-uyog uyog na ang mga bungbong sa simbahan nga gisundan pa sa pagkatangtang na sa atop dungan sa kusog kaayo nga dahunog nga daw nabati nilang katapusan na sa kalibutan.
Gipanitan matud pa og maayo sa bagyo ang atop sa simbahan ug nakahatag og dakong kadaot nga gihulagway ni Breazeale nga totally damaged apan ang katingalahan tungod kay wala’y bisan usa kanila ang nasamdan man lang kansa usa ka klarong milagro.