Nakahukom ang Senado nga i-archive ang impeachment complaint batok kang Bise Presidente Sara Duterte, nunot sa desisyon sa Korte Suprema nga unconstitutional ang articles of impeachment.Gikompirmar ni Senate President Chiz Escudero atol sa plenary session nga 19 ka mga senador ang nibotar pabor sa pag-archive sa kaso, upat ang supak, ug usa ang ni-abstain.
Lakip sa mibotar pabor mao sila si Alan Peter Cayetano, Pia Cayetano, Bato dela Rosa, JV Ejercito, Chiz Escudero, Jinggoy Estrada, Win Gatchalian, Bong Go, Lito Lapid, Loren Legarda, Rodante Marcoleta, Imee Marcos, Robin Padilla, Erwin Villa, Villar Joy Zubiri.Diin ang mga nisupak mao sila si Bam Aquino, Risa Hontiveros, Kiko Pangilinan, ug Tito Sotto ug si Ping Lacson lang ang ni-abstain.
Sama nalang ni Sen. Hontiveros diin nipasabot sa iyang pag NO vote sa pag-archive gumikan ang sa baruganan ug tinubdan sa pagkamay tulubagon sa katawhan.Samtang, gikanayon sa mga senador nga pabor sa pag-archive, nga ilang gitahod ang hukom sa Korte Suprema nga walay hurisdiksyon ang Senado sa impeachment case, hinungdan nga dili na kini ipadayon.
Ang desisyon sa Senado nagpakita ug pagtahod sa legal nga proseso ug sa awtoridad sa Korte Suprema isip labing taas nga korte sa nasod.Ingon man nga nipagawas usab og pahayag si Akbayan Partylist Rep. Perci Cendaña kalabot sa maong hukom diin gihimug-atan niya nga makauulaw ang gihimo nga lakang sa senado.
Kini gumikan sa mas gipili sa pag-surrender sa ilang kagawasan ug hingpit nga gisalikway ang ilang konstitusyonal nga mandato. Gidugang usab niini nga ang gipakita sa nahitabong session kay tataw nga Duterte senate diin gipanalipdan ang mga giingong krimen sa Bise Presidente.