Gipahibalo ni Senate President Sherwin Gatchalian nga andam na ang Senado alang sa pagsugod sa impeachment trial ni Vice President Sara Duterte karong Hulyo 6.
Matud ni Gatchalian, pagahimoon ang pre-trial order, dry run sa pagdungog, ug security preparations samtang nag-andam usab siya kon siya ang mahimong presiding officer.
Gibanabana ni Gatchalian nga mahimong molungtad og pito hangtod walo ka bulan ang impeachment trial tungod sa kadaghan sa mga isyu nga hisgutan ug sa pag-abot sa deliberasyon sa 2027 national budget.
Bisan pa niini, bukas ang Senado sa konsultasyon uban sa prosecution ug defense aron mapamubo ang gidugayon sa pagdungog pinaagi sa mas episyenteng presentasyon sa mga testigo ug ebidensya.
Sa laing bahin, gipadayag sa House prosecution panel nga andam sila mosunod sa iskedyul nga ipahimutang sa impeachment court ug posible pang maminusan ang gidaghanon sa trial days kon mas daghang testigo ang mapresentar matag adlaw o kon adunay mga ebidensyang i-waive sa duha ka kampo.
Samtang padayon ang House presecution sa pagpangandam sa ikatakdang skedyul sa trial sa impeachment court.