Hugot nga gipasidan-an sa presiding officer ang duha ka kampo tali sa prosekusyon ug depensa, lakip na ang mga senator-judges, nga mahimong mag-atubang og seryosong silot kung mapakyas sa pagsunod sa Rule 18 sa impeachment trial.
Matud ni Senador Francis “Chiz” Escudero, hugot nang ipatuman ang balaod batok sa mga pamahayag nga naghisgot sa merito sa kaso. Dugang pa sa senador, “wipe the slate clean” o sugdan pag-usab ang tanan, apan gikan karon hugot nang ipatuman ang Rule 18 sa articles of impeachment.
Gipasidanan usab ni Escudero ang tanang sakop sa Rule 18 batok sa paghimog public statements nga may kalabotan sa merito sa impeachment trial.
Matud niya, dili tugotan sa korte ang “trial by publicity” tungod kay mahimo kining makadaot sa kagawasan ug dignidad sa impeachment court.
Gipasidan-an usab ni Escudero ang tanang sakop sa Rule 18 batok sa paghimog public statements nga may kalabotan sa merito sa impeachment trial.
Matud niini, dili tugotan sa korte ang “trial by publicity” tungod kay mahimo kining makadaot sa kagawasan ug dignidad sa impeachment court.
Gipasabot pa ni Escudero nga ang mga restriksyon dili lamang para sa prosecution ug defense counsel, kondili apil usab ang mga senator-judge, respondent ug mga testigo.
Ang mga komento nga mahimong magpauna sa resulta sa kaso o mogamit sa pressure sa media isip puli sa ebidensiya giisip nga supak sa Rule 18.
Ang maong pamahayag sa presiding officer nagsumikad human sa pamahayag ni Atty. Armando Ligutan, mahitungod sa facebook post niini nga “Misleading is allowed” ni Atty. Kristine Ferrer.