Presiding Officer Chiz Escudero, gidid-an ang duha ka kampo sa paghisgot og merito sa kaso sa impeachment trial

Gipahibalo ni Presiding Officer Francis Escudero nga hatagan og konsiderasyon sa Senate Impeachment Court ang mga nag-unang pamahayag o binuhatan nga nasakop sa Rule 18, nga nagdili sa mga partido sa paghisgot sa publiko bahin sa merito sa kaso.

Matud ni Escudero, “wipe the slate clean” o sugdan pag-usab ang tanan, apan gikan karon hugot nang ipatuman ang Rule 18.

Gidid-an usab ang mga sakop niini nga magpagawas og pamahayag sa publiko ug maghisgot sa merito sa impeachment trial. Sumala ni Escudero, ang trial by publicity mahimong makadaot sa integridad sa korte ug sa dignidad sa tribunal.

Giingon usab ni escudero nga dili ang kasuko sa publiko ang angay mahimong puli sa aktuwal nga ebidensiya sa korte.