Gikuwestiyon sa House Prosecution ang kapasidad sa witness sa paghatag og testimonya kung asa gigasto ang confidential funds sa OVP atol sa impeachment trial ni VP Sara Duterte.
Matud sa prosecution, miangkon ang witness nga si Duterte mismo ang mihangyo sa confidential funds ug wala siyay direktang partisipasyon sa pag-disburse sa maong pondo.
Tungod niini, giingon sa prosecution nga dili siya angay mahimong saksi kung asa ug para unsa gigasto ang confidential funds.
Apan gipatin-aw ni Presiding Officer Francis “Chiz” Escudero nga kung adunay nahibaloan ang witness, mahimo siyang motubag sa pangutana.
Sa iyang tubag, gipatin-aw sa witness nga wala gigamit ang confidential funds alang sa regular socio-economic programs sa OVP niadtong 2023.
Nagpadayon ang impeachment trial sa paghisgot sa paggamit sa confidential funds sa OVP ug sa mga testimonya sa mga saksi kabahin niini.