Subling gisalikway ni Sen. Alan Peter Cayetano sa iyang Facebook livestream ang pamahayag ni Senador Panfilo Lacson nga adunay P700 milyon nga pondo sa katawhan ang nasayang atol sa iyang pagdumala sa senado isip Senate President.
Hugot nga gihimakak ni Cayetano nga wala kini gikuha bisan singko gikan sa discretionary funds sa institusyon.
Kalabot niini, gitawag sa senador si Sen. Lacson nga “mahina sa matematika” diin buot gipasabot nini nga dili kabalo mukwenta.
Gipadayag usab ni Cayetano ang iyang pagkadismaya sa padayong pagpangutana sa pipila ka mga senador kalabot sa paggamit sa pondo sa Senado, nga matud pa niya nagdala og kagubot sa trabaho sa maong lawak.
Gipunting ni Cayetano nga samtang importante ang pag-atubang sa mga isyu, adunay mga “tactical” nga mga pangutana nga kinahanglan nang tubagon aron dili madaot ang nag-unang mensahe sa gobyerno, ilabi na ang adbokasiya niini sa good governance.