Nakumpiska sa kapulisan ang kapin P15 mil nga kantidad sa gituohang smuggled cigarettes atol sa managlahing operasyon sa Kadingilan, Libona ug Lantapan, Bukidnon kagahapong adlawa.
Sa Kadingilan, nasikop ang usa ka 55 anyos nga babaye human masakpan nga nagbaligya ug nagdisplay og mga sigarilyo nga walay graphic health warning sticker sa iyang tindahan sa Purok 1, Barangay Bagongbayan. Narekober gikan kaniya ang 16 ka ream sa mga sigarilyo nga adunay kantidad nga P12,800.
Sa Libona, nasikop usab ang usa ka 38 anyos nga babaye sa Purok 1, Poblacion human masakpan nga nagdisplay og mga gituohang smuggled cigarettes sa iyang tindahan. Nakompiska gikan kaniya ang duha ka ream sa sigarilyo nga nagkantidad og P1,600.
Samtang sa Lantapan, nakompiska sa kapulisan ang usa ka ream sa gituohang smuggled cigarettes nga adunay kantidad nga P800 sa Purok 8, Barangay Balila.
Ang mga operasyon gilusad human makadawat og impormasyon gikan sa mga concerned citizen bahin sa ginabaligya ug ginapakitang mga sigarilyo nga walay graphic health warning sticker.Gidala ang mga nakompiskang produkto ngadto sa tagsa-tagsa ka estasyon sa pulisya alang sa dokumentasyon ug dayon gitugyan sa mga municipal health office alang sa hustong disposisyon.