Naglaom si Senate Minority Leader Alan Peter Cayetano nga mabalik ang kanhing baruganan ni Senador Panfilo “Ping” Lacson, bisan pa sa ilang pagsumpaki karon sa isyu sa giingong ghost flood control projects sa Taguig City.
Sa iyang Facebook livestream, giingon ni Cayetano nga ang matag tawo usa ka “work in progress” ug mahimong mausab ang panglantaw sa usag usa paglabay sa panahon.
Matud pa niya, kaniadto iyang gidayeg si Lacson tungod sa pagbarog alang sa kamatuoran ug hustisya, ug naglaom siyang mobalik kini sa maong barugan.
Gipasalig usab ni Cayetano nga hapsay ang kahimtang sa Taguig ug walay ghost projects sa siyudad.Â
Dugang pa ni Cayetano, aduna usab siya’y impormasyon o ebidensiya batok kang Senador Lacson, apan ipagawas lamang kini sa hustong lugar ug sa angay nga panahon.