Mga labor group gisaway ang TRO batok sa P85 wage hike sa NCR

Gikastigo sa grupo sa mga mamumuo si Labor Secretary Francis Tolentino tungod sa iyang daling pagsunod sa TRO imbes nga depensahan ang P85 wage hike ug ang pagpatuman sa balaod.

Matud ni San Fernando, ang maong aksyon supak sa mga probisyon sa Republic Act No. 6727 o Wage Rationalization Act ug sa Labor Code nga naglatid sa proseso sa pagtakda sa minimum wage.

Samtang, gipahayag usab ni Carlos Miguel Oñate, tigpamaba sa  Trade Union Congress of the Philippines (TUCP) nga ang TRO makadugang lamang sa paghulat sa mga mamumuo alang sa dugang nga suhol bisan pa sa padayon nga pagsaka sa presyo sa pagkaon, kuryente, abang sa balay ug uban pang batakang panginahanglan.