Gi-aprobahan sa Sangguniang Panlalawigan sa Bukidnon ang tulo ka mga resolusyon nga gipresenta ni Board Member Joseph “Dodo” Palmada sa Ikatulong Distrito nga naghatag og awtoridad kang Gobernador Rogelio Neil P. Roque aron mosulod sa nagkadaiyang Memorandum of Agreement ug Deed of Donation.
Sa maong regular session nga gipanguhaan ni Dr. Ranulfo Jose Z. Pepito Jr., gi-aprobahan ang Item Number 21 alang sa Memorandum of Agreement tali sa Provincial Government sa Bukidnon ug LGU San Fernando.
Gawas niini, gi-aprobahan usab ang Item Number 22 alang sa Deed of Donation nga nagbalor og 999,750 pesos alang sa Liga ng mga Barangay sa Unang Distrito nga gilangkuban sa mga lungsod sa Baungon, Sumilao, Manolo Fortich, Talakag, Libona, ug Malitbog.
Lakip usab sa gi-aprobahan sa kapulungan ang Item Number 23 alang sa Deed of Donation tali sa probinsya ug sa Liga ng mga Barangay Lantapan Chapter.
Kantidad 690,325 pesos ang 15 ka set sa bag-ong desktop computer ug printer nga gidesinyo alang sa pagpadasig sa online government services ug administrasyon sa mga barangay sa maong lungsod.