Nagpabuto og “warning shot” ang usa ka barkong panggubat sa Russia duol sa usa ka yate nga adunay bandila sa United Kingdom sa English Channel niadtong milabay’ng adlaw.
Nalambigit sa insidente ang Russian frigate nga Admiral Grigorovich-class frigate ug ang UK-registered yacht nga Bright Future.
Matud sa Ministry of Defense sa Russia, giingong peligroso ang pagduol sa yate ngadto sa ilang barko samtang baga ang gabon sa maong lugar.
Human wala matud pa mausab ang direksyon sa yate ug miduol kini sa ubos sa 500 feet, nagpabuto ang commander sa Russian warship isip pasidaan aron malikayan ang posibleng panagbangga.
Wala’y nasamdan sa magtiayon nga British nga sakay sa yate ug wala usab kini nadaot.
Mipadayon dayon og mipalayo ang yate human sa pagpabuto.
Samtang, gikumpirma sa Ministry of Defence nga ilang gisusi ang insidente ug giingon nga ang mga pagbuto dili direkta gipunting sa yate kondili usa lamang ka warning signal.
Bisan giila kini nga lahi nga insidente, nakapukaw kini og kabalaka tungod kay nahitabo kini pipila ka adlaw human sa laing tensyon sa maong rehiyon nga nalambigit usab sa mga kalihokan sa Russia.