Taliwala sa nagka-grabe nga tensyon batok sa NATO kalabot sa gubat sa Ukraine, nagpahigayon ang Russia og usa sa pinakadakong nuclear exercises nga gisalmotan sa mokabat 64,000 ka mga sundalo, diin lakip sa gihimo ang pag-test launch sa nagkadaiyang gamhanang armas sama sa Yars intercontinental ballistic missile, Zircon hypersonic missile, ug Sineva ballistic missile, uban sa pagpasundayag sa ilang mga nuclear submarine.
Sumala ni Russian President Vladimir Putin, ang paggamit sa nuclear weapons nagpabilin nga ilang kataposang kapilian apan kinahanglang magpabiling lig-on ang ilang puwersa uban sa Belarus tungod sa nagkdako nga hulga sa kalibutan.
Dungan sa nagpadayong panag-away sa mga pulong tali sa Moscow ug sa mga nasud sa Baltic region nga gisumbong sa Russia nga nagtugot sa ilang airspace alang sa mga drone attack, butang nga hugot usab nga gipanghimakak sa NATO.