1,200-Year-Old nga Reikado Hall sa Japan, naugdaw sa sunog

Gilamoy sa dakong kalayo ang makasaysayanong Reikado Hall sa Daishoin Temple nga nahimutang sa Miyajima Island, Hiroshima Prefecture, Japan, niadtong Mayo 20, 2026.

Pasado alas-8:30 sa buntag sa maong adlaw (oras sa Japan) sa dihang nadawat sa mga bombero ug kapulisan ang alarma kabahin sa nagdilaab nga estruktura nga duna nay 1,200 ka tuig ang kagulangon. Miabot ngadto sa 30 ka mga sakop sa kabomberohan ang daling milihok ug nagtinabangay aron masumpo ang maong sunog.

Hinuon, gipahayag sa mga awtoridad sa Japan nga swerteng walay bisan usa nga naangol o nakabsan sa kinabuhi tungod sa maong insidente.