Hugot nga gipanghimakak ni Tingog Party-list Rep. Jude Acidre ang mga alegasyon nga naglambigit kang kanhi House Speaker ug Leyte Representative Martin Romualdez sa bisan unsang anomalya, human giklaro sa Independent Commission for Infrastructure kon ICI nga wala’y basehan aron pasakaan kini og kaso.
Matud ni Acidre, ang referral nga gipirmahan ni retired Supreme Court Justice Andres Reyes, nga nagluwat mismo nga wala’y “finding or conclusion of guilt o liability” batok kang Romualdez, nga supak sa mga gikaingong pahayag nga gipakaylap ni Navotas Rep. Toby Tiangco.
Gisaway usab ni Acidre si Tiangco tungod sa gikaingong pagpakaylap og sayop nga impormasyon nga gigamit matud pa ang mga ayuda sama sa AICS, AKAP, ug TUPAD aron “suhulan” ang mga mambabalaod nga mipirma sa impeachment complaint batok kang Bise Presidente Sara Duterte.
Sigon ni Acidre, nga seryoso ug lig-on nnga ebidensya, dili tsismis, ang angay mupasaka sa maong mga akusasyon.
Gihagit usab niini si Tiangco, nga hinganlan ang mga gikaingong nakadawat og suhulan ug magpasa og reklamo ubos sa gipanumpaan nga pamahayag.
Gipatin-aw usab sa mambabalaod nga ang pagpirma sa impeachment reklamo gibase sa dokumento ug testimonya, ug dili tungod sa saad nga proyekto o pondo.
Gipasidan-an usab ni Acidre, nga ang padayon nga pagpakaylap og disinformation makadaot sa integridad sa Kamara, ug nanawagan kini nga undangan na ang paghimog mga istoryang wala’y lig-on nga basehanan.