Rep. Luistro nanawagan nga undangon ang pagpanghadlok sa mga Pilipino sulod sa kaugalingong teritoryo

Nanawagan si Batangas Rep. Gerville Luistro nga dili tugotan nga mahimong biktima sa pagpanghadlok ang mga Pilipino sulod sa kaugalingong nasud, ilabina human sa kontrobersiyal nga pahayag sa Chinese envoy.

Gipahayag niya nga bisan pa sa panagbangi tali sa Pilipinas ug China, kinahanglan gihapon nga gamiton ang malinawong paagi sa pagsulbad sa mga isyu. Apan matud pa niya, ang mga pahayag nga giisip nga pagpanghadlok kinahanglan tubagon sa gobyerno sa Pilipinas.

Nagpahayag usab si Luistro  nga ang mga langyawng envoy kinahanglan magpakita og pagtahod sa Pilipinas ug sa mga Pilipino, ilabina sa mga isyu nga may kalabotan sa soberanya ug seguridad sa nasud.