Seguridad sa rehiyon ug panalipod sa katawhan gihatagag importansya sa ASEAN

Gitagaag igong kabug-aton ni DILG Secretary, Jonvic Remulla ang pagpalig-on sa seguridad sa Southeast Asia nga nagpunting sa kaluwasan sa mga pamilya, panalipod sa mga mamumuo batok sa pagpahimulos ug paglikay sa kabatan-onan sa kapintasan ug impluwensiya sa kriminalidad.

Gihangyo usab ang mga nasod sa rehiyon nga palig-onon ang ilang panagtambayayong pinaagi sa mas epektibong pagpatuman sa balaod, paspas nga pagpaambit sa impormasyon ug hiniusang mga lakang batok sa mga hulga nga motabok sa ilang mga utlanan.

Matud pa ni Remulla, gilaoman nga mas mapalig-on sa maong panagtigom ang panaghiusa sa mga nasod sa ASEAN aron mapadayon ang malinawon, luwas ug mauswagon nga rehiyon nga nag-una sa kaayohan sa katawhan.