Nagdumili una sa paghatag og opisyal nga komento si Mamamayang Liberal Partylist Representative Leila de Lima kalabot sa sulod sa duha ka impeachment complaint nga gipasaka batok kang Presidente Ferdinand “Bongbong” Marcos Jr.
Ang maong mga reklamo pormal nga nadawat sa House Committee on Justice dungan sa pagbalik sa sesyon sa Kamarabaha.
Sa eksclusibong pakighinabi sa Bombo Radyo Philippines, gipangutana ang mambabalaod kon duna bay lig-on nga basehan o “grounds” ang maong mga reklamo aron matawag isip usa ka seryosong kaso.
Matud ni De Lima, bisan og nabasa na niuni ang mga dokumento ug aduna na siyay inisyal nga mga huna-huna, mas maayo nga dili una kini ibutyag sa publiko.
Isip usa sa mga ex-officio members sa Committee on Justice, gipasabot niini nga responsibilidad niya ang pagsusi og maayo sa mga ebidensya ug mga supporting documents sa dili pa mulingkod sa pormal nga diskusyon sa komite.
Gidugang pa niini nga likayan niya ang paghatag og sayo nga pahayag aron dili siya pasanginlan sa publiko nga gihukman na daan ang Presidente o ang merito sa mga reklamo. Ang maong komite mao ang gitahasan sa pagtino kon ang porma ug sulod sa mga reklamo nakatuman ba sa gikinahanglang rekisitos sa balaod.