Gitawag ni Leila de Lima, Mamamayang Liberal Party-list Representative ug chairperson sa Liberal Party, nga dakong lakang paingon sa hustisya ang pagngalan sa International Criminal Court kon ICC sa mga gikaingong kauban ni kanhi Pangulong Rodrigo Duterte sa madugong kampanya kontra droga.
Matud ni De Lima, anam na og kagamay ang kalibutan alang sa mga gikaingong co-perpetrators human ilakip sa filing sa ICC kaniadtong Pebrero 13, 2026 ang mga pangalan ni Sen. Ronald “Bato” Dela Rosa, Vicente Danao, Camilo Cascolan , kansas patay na, Oscar Albayalde, Sen. Christopher Lawrence “Bong” Go, Dante Gierran, Isidro Lapeña, ug kanhi DOJ Secretary Vitaliano Aguirre II.
Gitawag ni De Lima, ang kalamboan nga maayong balita ug miluwat nga kanunay matud pa kini nga gipasidan-an bisan kaniadto nga anaa pa kini sa prisohan.
Apan wala matud pa naminaw ang mga nalambigit ug gitawag nga hambog ang pamatasan.
Matud pa ni Rep. De Lima, bisan pa mosulay og pagtago ang uban, dili malikayan ang hustisya ug panahon na sa pagpanubag sa pagpatay sa mga Pilipino.
Kahinumdoman, nga si Duterte, nga nagserbisyo isip Presidente gikan 2016 hangtod 2022, nga karon anaa na sa kustodiya sa ICC sukad Marso 2025.