HomeLocal NewsRep. Barbers, gihagit ang depensa ni VP Sara nga ipagawas ang ebidensiya...

Rep. Barbers, gihagit ang depensa ni VP Sara nga ipagawas ang ebidensiya sa ₱319-M remittances gikan sa China

- Advertisement -

Gihagit sa kampo sa House prosecution ang depensa ni Vice President Sara Duterte nga ipagawas ang mga dokumentong magpamatuod nga lehitimong transaksiyon sa negosyo ang gigikanan sa kapin ₱319 milyones nga remittances gikan sa China ug Hong Kong nga nadawat sa Cale88 Foods Corporation.

Matud ni House impeachment spokesperson ug kanhi kongresista Ace Barbers, dili igo nga pamatuod ang legal nga pagrehistro sa kompanya nga adunay kalambigitan sa bana sa bise presidente nga si Atty. Manases “Mans” Carpio.

Gipunting ni Barbers nga kinahanglan ipakita sa depensa ang aktuwal nga mga rekord sa negosyo ug transaksiyon aron mapatin-aw ang gigikanan ug katuyoan sa maong kantidad. Base sa mga rekord nga gipresentar sa Anti-Money Laundering Council o AMLC atol sa impeachment trial, mikabat sa ₱319.33 milyones ang nadawat nga inward remittances sa Cale88 gikan sa mainland China ug Hong Kong. Una nang gipadayag sa AMLC nga adunay tulo ka suspicious transaction reports nga walay klarong makita nga legal o pangkalakal nga obligasyon, katuyoan o economic justification sa maong mga transaksiyon.

- Advertisement -

Gipasiugda ni Barbers nga kinahanglan susihon pag-ayo ang gigikanan ug katuyoan sa maong kuwarta tungod sa posibleng kalambigitan niini sa alegasyon sa unexplained wealth batok sa bise presidente.

Samtang, gipaabot nga tubagon sa kampo sa depensa ang maong hagit pinaagi sa pagpresentar sa mga dokumentong mopatin-aw sa mga transaksiyon sa kompanya.

- Advertisement -
RELATED ARTICLES
- Advertisment -

MORE NEWS