Qatar, gipaulanan og missile sa Iran; tensyon sa Middle East, misamot!

Gikumpirma sa nasod sa Qatar nga nakasinati sila og pagpangatake pinaagi sa mga missile gikan sa Iran dungan sa nagkagrabe nga kagubot sa rehiyon sa Middle East.

Tungod sa maong hitabo, gipahunong una ang tanang flights sa Qatar Airways ug uban pang eroplano samtang gipaneguro ang kaluwasan sa mga residente. Wala pa’y opisyal nga report kung unsa kadako ang kadaot o kung pila ang nasamdan sa maong pag-atake.

Nanawagan karon ang nagkalain-laing nasod nga hunongon ang bayolenteng aksyon aron malikayan ang mas dakong gubat sa rehiyon.