Paspas nga nakadani og atensiyon ug nag-viral sa social media ang video nga nagpakita sa usa ka talagsaong puti o albino nga unggoy nga nakit-an sa lasang sa Kilangil, Sitio Tudog, Barangay Bugso, Senator Aquino, Sultan Kudarat.
Ang maong video, nga gi-post niadtong miaging adlaw, dali nga mikaylap sa internet.
Sumala kang Belshazaao Hibaler, executive assistant ug promotion and marketing staff sa Municipal Tourism Office, ang video nakuha sa usa ka tour guide gikan sa IP community nga si John Danda atol sa iyang paglibot sa maong lugar.
Matud ni Hibaler, gipasa kaniya ang video isip pamatuod nga tinuod ang pagpakita sa albino nga Philippine long-tailed macaque sa maong lasang.
Dugang pa niini, kasagarang makit-an ang talagsaong unggoy matag alas 6:00 sa buntag.