Presyo sa mga produktong petrolyo, lauman nga mosaka sunod semana

Lauman ang posibleng pagsaka pag-usab sa presyo sa mga produktong petrolyo sa umaabot nga semana taliwala sa nagpadayon nga tensyon sa Middle East.

Base sa banabana sa mga tinubdan sa industriya sa lana, posibleng mosaka og ₱1.00 hangtod ₱2.00 kada litro ang gasolina, samtang ₱1.50 hangtod ₱2.50 kada litro ang mahimong itaas sa diesel ug kerosina.

Kung madayon, mahimo kini nga ikaduhang sunod-sunod nga semana sa oil price hike, human sa duha ka semana nga pagkunhod sa presyo.

Gilauman nga ipahibalo sa Department of Energy (DOE) sa Lunes ang pinal nga oil price adjustment nga ipatuman sa mga kompanya sa lana.