Gihatagan ug pagtagad sa usa ka miyembro sa Alliance of Concerned Teachers (ACT) Teachers Partylist–Northern Mindanao ang nagpadayon nga impeachment trial batok kang Vice President Sara Duterte, nga iyang giila isip usa ka legal ug constitutional nga proseso aron matino kung adunay basehan ang mga alegasyon batok sa usa ka public official.
Sa eksklusibong pakighinabi sa Bombo Radyo, gipasabot ni Roland S. Cruz sa Alliance of Concerned Teachers Partylist Northern Mindanao gipasabot niini nga ang impeachment trial usa ka legal nga venue aron mahatagan og higayon ang mga may kalabotan sa kaso nga motubag ug magpasabot sa mga isyu, lakip ang paggamit sa confidential funds.
Naghatag usab og gibug-aton si Cruz sa kahimtang sa mga magtutudlo, ilabina sa ilang sweldo ug panginahanglan sa trabaho.
Matud ni Cruz, padayon ang panawagan sa ACT Teachers alang sa ₱50,000 nga entry-level salary aron masiguro nga makapuyo ang mga magtutudlo nga may dignidad ug dili mapugos sa pagpangita og trabaho sa gawas sa nasud.