Gipasidunggan isip World’s Ugliest Dog 2026 ang unom ka tuig nga pug nga si Jinny Lu sa tinuig nga kompetisyon nga gipahigayon sa Sonoma County Fairgrounds sa Santa Rosa, California.
Si Jinny Lu, nga ikaduha sa kompetisyon niadtong miaging tuig, maoy nakadaog karong tuiga.
Gisaulog usab sa maong kalihokan ang ika-50 nga anibersaryo niini.
Tumong sa kompetisyon ang pagpasidungog sa talagsaon ug dili ordinaryong hitsura sa mga iro, ingon man ang importansiya sa pag-amuma, pagluwas ug pag-adopt sa mga hayop.
Nasayran nga giluwas si Jinny Lu gikan sa dog meat trade sa South Korea ug gidala sa Estados Unidos aron ma-adopt pinaagi sa duha ka animal rescue groups sa California.
Upat ka tuig na ang milabay sukad nga siya gi-adopt ni Michelle Grady, residente sa Ukiah.
Nakadawat sila ni Grady og trophy ug $5,000 nga premyo.
Dugang pa, ang nawong ni Jinny Lu ipakita usab sa limitadong edisyon sa mga lata sa Mug root beer.