BUSINESS / WORLD — Mius-os og kapin sa 3 porsiyento ang presyo sa lana sa merkado sa kalibotan human mimenos ang kabalak-an sa mga negosyante sa usa ka hinahaling aksyong militar sa US batok sa Iran, kasunod sa pagpahibalo sa Estados Unidos nga mas tutokan niini ang mga economic sanctions.
Tungod sa maong kalamboan, minaog ang presyo sa Brent crude ngadto sa $88.58 matag baril. Bisan pa man gipahayag ni US Treasury Secretary Scott Bessent ang usa ka “economic D-Day” batok sa Iran, giisip sa mga market analyst nga mas gaan ang maong lakang kumpara sa unang gilauman tungod kay wala pa kini naghatag og pormal nga petsa o listahan sa mga nasod nga silotan.
Nakatabang usab sa pagpakalma sa merkado ang nagpadayong panaghisgot sa diplomasiya pinaagi sa mga mediator gikan sa Pakistan ug sa Presidente sa Iran, bisan pa man nagpabilin ang pagpaniid sa kasegurohan sa mga oil tanker nga nagaagi sa Strait of Hormuz.