WORLD / INTERNATIONAL — Labing menos 14 ka bag-ong natawo nga masuso ang namatay human gilamoy sa kalayo ang maternity ug nursery ward sa Pakistan Institute of Medical Sciences (PIMS) sa dakbayan sa Islamabad, Pakistan.
Sumala sa mga awtoridad, nagsugod ang sunog sa ikatulo nga andar sa tambalanan tungod sa mibuto nga air conditioner compressor, diin dali nga mikaylap ang kalayo tungod sa mga oxygen tank sulod sa kuwarto. Ang PIMS mao ang kinadak-ang pampublikong ospital sa kaulohan nga adunay 1,200 ka higdaanan ug moalagad sa gibana-banang 5,000 ka mga outpatients matag adlaw.
Tungod sa maong trahedya, nagmando si Pakistani President Asif Ali Zardari ug Prime Minister Shehbaz Sharif og hinaliang imbestigasyon aron papanagubagon ug pasakaan og kaukulang kaso ang mga opisyal kon mapamatud-an nga adunay kapabayaan sa seguridad sa tambalanan.