Adunay gamay nga pagkunhod sa presyo sa mga produktong petrolyo ang masinati karong adlawa, samtang mosaka usab ang presyo sa liquefied petroleum gas o LPG, sumala sa Department of Energy o DOE.
Mokunhod og 73 sentimos matag litro ang presyo sa gasolina, 60 sentimos matag litro sa diesel, ug P2.09 matag litro sa kerosene.
Samtang, mosaka og hangtod P3.67 matag kilo ang presyo sa LPG, o katugbang sa P40.38 nga dugang alang sa 11-kilogram nga tangke karong Agosto.
Sumala sa DOE, ang pagbag-o sa presyo gibase sa lihok sa global oil market ug sa nagpadayon nga tensyon sa Middle East, nga nakaapekto sa suplay ug presyo sa lana sa tibuok kalibotan.
Padayon usab nga gimonitor sa ahensya ang kahimtang aron masiguro ang igo nga suplay sa petrolyo ug mapanalipdan ang mga konsumidor batok sa kalit nga pagbag-o sa presyo sa internasyonal nga merkado.