Presyo sa diesel, posibleng mosaka hangtod sa P4 matag litro sa sunod semana 

Posibleng mosaka og hangtod P4 matag litro ang presyo sa diesel samtang wala pa’y kasiguruhan kung mosaka ba o moubos ang presyo sa gasolina sa sunod semana, base sa tinubdan sa oil industry.

Sumala sa lihok sa Mean of Platts Singapore (MOPS) ug sa aberids sa baylo sa piso batok sa dolyar gikan Hulyo 6 hangtod 9, 2026, gilauman ang dakong kausaban sa presyo sa mga produktong petrolyo.

Posibleng adjustment sa presyo Diesel mosaka og P2.00 hangtod P4.00 matag litro, Gasolina posible nga moubos og P1.00 matag litro o mosaka usab og P1.00 matag litro.

Gipasabot sa tinubdan nga nagpabiling taas ang presyo sa diesel ug uban pang middle distillates tungod sa lig-on nga demand ug limitado nga suplay sa merkado.