Gikumpirma sa Philippine Coast Guard (PCG) nga miabot sa 865 ka pasahero, lakip ang mga truck drivers ug cargo helpers, ang na-stranded sa nagkalain-laing pantalan sa nasod tungod sa dili maayong kahimtang sa panahon.
Lakip usab sa na-stranded ang 210 ka rolling cargoes, 5 ka barko, ug 3 ka motorbanca.
Sa Southern Tagalog, natala ang 263 ka pasahero ug 28 ka rolling cargoes nga wala makabiyahe, samtang 114 ka barko ug 118 ka motorbanca ang temporaryong misilong.
Sa North Western Luzon, 20 ka barko usab ang temporaryong mihunong sa mga pantalan.
Sa Southern Visayas, 9 ka rolling cargoes ang na-stranded ug 2 ka barko ang misilong.
Sa BARMM, miabot sa 220 ka pasahero ug 1 ka barko ang na-stranded sa Bongao Pier.
Sa Palawan, adunay 57 ka pasahero, 7 ka rolling cargoes, ug 4 ka barko nga wala makabiyahe, samtang 1 ka barko ang temporaryong misilong.
Sa North Eastern Luzon, 4 ka barko ug 14 ka motorbanca ang misilong.
Sa Central Visayas, natala ang 1 ka rolling cargo ug 5 ka barko nga na-stranded, samtang 14 ka barko ug 12 ka motorbanca ang temporaryong misilong.
Sa Western Visayas, miabot sa 230 ka pasahero ug 154 ka rolling cargoes ang na-stranded, samtang 4 ka barko ug 1 ka motorbanca ang misilong.
Sa Bicol Region, natala ang 95 ka pasahero, 11 ka rolling cargoes, ug 3 ka motorbanca nga wala makabiyahe, samtang 7 ka barko ug 6 ka motorbanca ang temporaryong misilong.