Gibutyag sa Samahang Industriya ng Agricultura (SINAG) na sobra ang presyo sa karneng baboy sa mga merkado kumpara sa gitakda nga suggested retail price (MSRP) sa Department of Ariculture (DA).
Matud pa ni Jayson Cainglet, executive director sa SINAG, anaa sa P180 lamang kada kilo ang farmgate price sa baboy, maong mas dapat ubos sa P20 ang presyo sa mercado.
Gikatingalahan sa grupo ang pamahayag sa DA nga kung mahimo mas taas og P1 hangtud P5 ang kada kilo sa baboy nga wala man matud pay kakulang sa supply.
Saysay pa sa SINAG nga dili ang mamaligyaay og baboy o ang retail sector ang rason sa taas nga presyo, kon dili adunay ubang nagduso og taas nga presyo. Nanawagan usab ang grupo nga siguraduhon sa gobyerno ang baratong presyo sa baboy karong panahon sa pasko.