Ipadayon sa prosekusyon sa Kamara ang Article II sa impeachment complaint batok kang Vice President Sara Duterte, nga naghisgot sa giingong unexplained wealth.
Matud ni House Prosecutor Rep. Terry Ridon, gibase ang pag-atras sa ubang artikulo sa testimonya ni forensic analyst Atty. Alexander Cabrera, nga mitantiya nga molapas sa ₱800 milyon ang bahandi sa bise presidente nga wala matud pa’y katin-awan.
Matud ni Ridon, motutok na sila sa mga ebidensyang magpamatuod sa maong alegasyon.
Samtang, gipadayag ni Prosecution Spokesperson Robert Ace Barbers nga mahimong gamiton sa Ombudsman ang mga ebidensya, lakip ang mga testimonya ug dokumentong gipresentar sa impeachment trial batok kang Vice President Sara Duterte.
Gipamugos usab ni House Prosecutor Joel Chua nga kapila nang gihatagan og higayon ang kampo ni Vice President Sara Duterte nga motubag sa mga alegasyon bahin sa paggamit sa confidential funds sukad pa niadtong 2024.
Gidepensahan usab ni Prosecution Spokesperson Atty. Benjamin Tolosa Jr. ang desisyon sa prosekusyon nga iatras ang tulo ka artikulo sa impeachment complaint batok kang Vice President Sara Duterte.
Matud ni Tolosa, igo na ang usa ka artikulo aron makombikto ang bise presidente.