- Advertisement -
Ni-balos ang panggamhanan sa China pinaagi sa pagpahamtang og sanction sa pipila ka produkto ug kompanya gikan sa Estados Unidos isip tubag sa gihimong nga aksyon sa US batok sa ilang mga produkto.
Sumala sa anunsyo sa Chinese Ministry of Commerce, lakip sa mga nakasugat og sanction mao ang mga kompanya nga naglihok sa biotech ug resource analytics. Gawas niini, gipahugtan usab sa China ang ilang export control sa mga drone, mga piyesa niini, ug uban pang kalambigit nga teknolohiya.
Moabot sa unom ka mga kompanya gikan sa US ang opisyal nga gidugang sa countermeasures list sa China, diin nagpakita kini sa padayong pagtaas sa tensiyon tali sa duha ka dagkong nasod bahin sa pamatigayon ug modernong teknolohiya.
- Advertisement -