Pinakadakong department store sa tibuok kalibutan, makit-an sa South Korea!

Padayong gikuptan sa Shinsegae Centum City sa Busan ang titulo isip pinakadakong department store sa kalibutan.

Kini usa ka dungog nga nakuha gikan sa Macy’s niadtong pang tuig 2009. Sumala sa mga taho, lisod matud pa kini malabwan karon tungod sa 16 ka andana nga estruktura ug bilyon-bilyong kantidad nga magasto aron makapatindog og mas dako pa nga establisemento.

Dili lang kini ordinaryong mall gumikan gawas sa kapin 700 ka tindahan, anaa usab kini’y art galleries, dako nga ice rink, golf driving range, sinehan, tradisyunal nga Korean jjimjilbang, office tower, ug usa ka pampublikong parke nga may tema sa dinosaur ug pirata.