Mitaliwan na sa edad nga 46 ang Filipino-Canadian voice actor nga si Eric Bauza, nga nailhan sa paghatag og tingog sa mga karakter sa Looney Tunes sama nila Bugs Bunny ug Daffy Duck.
Gikompirma sa iyang pamilya niadtong Lunes ang kalit nga pagkamatay ni Bauza, samtang gikataho sa entertainment outlet nga Variety nga hypertensive cardiovascular disease ang hinungdan sa iyang kamatayon sa kaugalingong panimalay.
Nailhan usab si Bauza sa iyang mga proyekto uban sa Disney ug DreamWorks, ug nakadaog og tulo ka Children’s and Family Emmy Awards tungod sa iyang kontribusyon sa industriya sa animation.
Sa laing bahin, lakip sa iyang mga proyekto ang paghatag og tingog sa mga karakter sa pelikulang Forgotten Island, nga gibase sa mitolohiya sa Pilipinas.