Gipalig-on sa Pilipinas ang pakigtambayayong sa mga miyembrong nasud sa Association of Southeast Asian Nations (ASEAN) aron mapanalipdan ang mga kabus ug bulnerableng sektor batok sa nagkagrabeng epekto sa El Niño.
Matod ni Department of Social Welfare and Development Secretary Rex Gatchalian, importante ang pagbayloay sa kahibalo ug epektibong pamaagi sa matag nasud tungod kay walay usa ka modelo nga angay gamiton sa pagsagubang sa grabeng El Niño.
Gipasabot usab ni Gatchalian nga adunay kaugalingong programa ang matag nasud, sama sa AKAP assistance ug emergency cash transfer sa Pilipinas, aron matabangan ang mga pamilyang direktang apektado sa krisis.
Gilauman nga pinaagi sa kooperasyon sa ASEAN, mas mapalig-on ang mga programa sa social protection alang sa mga kabus, marginalized ug bulnerableng sektor.