Nagpabiling lig-on ang pinansyal nga kahimtang ug sistema sa mga bangko sa Pilipinas sa unang unom ka bulan sa 2026, sumala sa Bangko Sentral ng Pilipinas (BSP).
Sa taho sa BSP, nagpabiling labaw sa minimum nga gikinahanglan sa regulasyon ang kapital ug reserbang salapi sa mga bangko, samtang napadayon usab ang ilang kita ug napangdumala ang kalidad sa mga pautang.
Gipadayag ni BSP Governor Eli M. Remolona Jr. nga nagpadayon ang paghatag og pautang sa mga panimalay ug negosyo, lakip ang pagpalapad sa digital banking aron mas daghang Pilipino ang maka-access sa serbisyong pinansyal.
Dugang pa sa BSP, misaka og 11.4 porsiyento ang pautang sa mga universal ug commercial bank niadtong Septiyembre 2026 kumpara sa samang panahon sa miaging tuig, tungod sa panginahanglan sa sektor sa manufacturing, real estate ug consumer loans.
Nagpadayon usab ang BSP sa pagpalig-on sa pagbantay sa mga bangko pinaagi sa regular nga stress testing, cybersecurity measures ug mas hugot nga pagdumala sa risgo aron mapadayon ang kalig-on sa pinansyal nga sistema sa nasud.