Gitudlo ni Pangulong Ferdinand “Bongbong” Marcos Jr. si PhilHealth President Edwin Mercado isip bag-ong kalihim sa Department of Health (DOH).
Mihulip si Mercado sa posisyon ni Dr. Jose Pujalte Jr., nga bag-o pa lamang gitudlo isip DOH Secretary niadtong Hulyo.
Sumala kang Palace Press Officer Usec. Claire Castro, kaniadto nang nagsilbi si Mercado isip president ug CEO sa nagkalain-laing mga ospital gikan 2000 hangtod 2016.
Samtang, magsilbi isip Acting President sa PhilHealth si Dr. Beverly Lorraine Ho, nga kasamtangang Chief Health Officer sa Ayala Healthcare Holdings Inc.
Kaniadto usab siyang nagsilbi isip Assistant Secretary sa DOH niadtong 2023 hangtod 2024 ug Undersecretary niadtong 2022.
Matud ni Castro, kahimtang sa panglawas ang hinungdan sa pagbiya ni Pujalte sa iyang posisyon.