Mitubag si Presidente Ferdinand Marcos Jr. og “Wait and See!’ human gipangayuan og reaksyon bahin sa mga taho sa posibleng pag-ilis sa liderato sa Senado kagahapong adlawa.
Naglutaw ang mga espekulasyon nga posibleng adunay “coup” o kalit nga pagbalhin sa pamunoan sa Senado.
Sumala sa mga report, upat ka senador ang giingong posibleng kapilian alang sa liderato, lakip sila Sen. Kiko Pangilinan, Sen. Joel Villanueva, Sen. Migz Zubiri, ug Sen. Chiz Escudero.
Matud sa Presidente, nasayod siya sa mga panghitabo sa Senado sa miaging semana, diin gipulihan si Senador Tito Sotto ni Senate President Alan Peter Cayetano.
Apan gipatin-aw sa Malacañang nga wala sila naghatag og paghukom sa mga senador nga molingkod isip senator-judges sa impeachment trial batok kang Bise Presidente Sara Duterte.
Matud usab sa Palasyo nga naa na sa mga senador ang desisyon ug kahimtang sa pagpadayon sa impeachment proceedings.
Gipahinumdoman pa sa Presidente nga ang mga senador gipili sa katawhan aron magserbisyo sa publiko, dili para sa interes sa usa ka tawo lamang.