Pormal nang nag-convene ang Senado isip impeachment court kagahapong adlawa Mayo 18, 2026 alang sa paglitis batok kang Vice President Sara Duterte, diin nanumpa si Senate President Alan Peter Cayetano isip presiding officer ug gisugdan na ang proseso sa pag-isyu sa summons ngadto sa kampo sa Bise Presidente.
Bisan pa sa mga kontrobersiya ug tensyon nga milukop sa Senado human sa nahitabong pagpamusil ug sa giingong plano sa pag-ilis sa liderato, apan natuman gihapon ang pag-convene sa impeachment court.
Misamot pa ang politikal nga tensyon human sa mga pahayag ni Senador Rodante Marcoleta nga nagdepensa sa kasamtangang majority bloc ug sa giingong “sakripisyo” ni Senador Ronald dela Rosa.
Samtang, nagpadayon usab ang imbestigasyon kabahin sa paggawas ni dela Rosa sa Senado, diin si Senador Robin Padilla nagpabiling hilom sa media ug una niini nga tubagon ang mga otoridad.
Bisan pa sa nagkalain-laing politikal nga baruganan, gisaad sa pipila ka senador nga magpabiling lig-on ug magkahiusa ang Senado isip institusyon atol sa impeachment proceedings.