Gihisgotan ni Presidente Ferdinand Marcos Jr. sa 33rd APEC Economic Leaders’ Meeting ang panginahanglan nga masulbad ang problema sa ilegal ug dili reguladong pagpangisda.
Gipunting usab sa Presidente ang digital transformation sa micro, small ug medium enterprises pinaagi sa paggamit sa artificial intelligence ug pagpalambo sa sustainable blue economy.
Gipasalig usab niini ang suporta sa multilateral trading system, nga nahimong sentro sa pagpangulo sa Pilipinas sa ASEAN.
Gibug-atan usab ni Marcos ang kamahinungdanon sa Digital Economy Framework Agreement atol sa pag-host sa Pilipinas sa ASEAN.
Una nang gipahayag sa Presidente nga kinahanglan makahatag og kaayohan sa katawhan ang mga hisgotanan sa APEC pinaagi sa pagmugna og dugang trabaho, mas sayon nga pag-access sa healthcare ug pagpangandam sa demographic changes sa nag-uswag nga ekonomiya.

